LAOAG CITY – Saanen a naallangon pay dagiti kameng ti Search and Rescue Team ti biag ti maysa a barito kalpasan a nalmes iti baybay a paset ti Bgy. 33-A La paz ditoy ciudad ti laoag iti laksid nga inpakat da ti first aid a cardiopulmonary resuscitation (CPR).
Binigbig ni Dr. Melvin Manuel, mangidadaulo ti Search and Rescue Team, ti barito a ni Daniel Martin agtawen iti 14, ken agnaed iti Bgy. 33-B La Paz ditoy ciudad ti laoag.
Segun ken ni Manuel, agarup nagbaetan iti ala 1:30 ken alas 2:00 idi malem kalman idi napan nagdigos ti biktima kaduana dagiti 3 a kakadua na gapu ta awan klase da gapu ta teachers day celebration idi malmes daytoy.
Insigida a naitawag iti Dept of Public Safety (DPS) ken iti Seacrh and Rescue Team ket insigida met a nagresponde da.
Kuna ni Manuel a nabirukan da laeng ti barito pasado alas 3 ti malem iti kaadayon a nasurok a 100 a metros manipud iti igid ti baybay.
Kuna pay ni Manuel a narigatan da a nangbirok iti barito gapu ta nadawel ti baybay.
