LAOAG CITY – Maisagsaganan ti maipila a kaso a panagtatakaw konta iti maysa a lalaki kalpasan a nagtakaw ti sigarilyo iti pagpapayaan na a groserya ditoy ciudad ti Laoag.
Nabigbig daytoy ni Darwin Lara Datuin, agtawen ti 21, awanan asawa ken residente iti Barangay 51-A, Nangalisan ditoy ciudad ti Laoag ken ti agtagikua ti groserya a ni Rogelio Compa y Clemente, agtawen ti 61, naasawaaan ken negosyante ken residente iti Barangay 46, Nalbo ditoy met laeng ciudad.
Basar ti PNP, tallo a kahon ti sigarilyo ti mapukpukaw idi Disyembre 22, 2018 iti mismo storage room ti nasao a groserya.
Gapo iti daytoy, inadal ni Compa ti CCTV footage ket ditoy a naduktalan na a ni innala ni Datuin dagiti sigarilyo.
Naamoan nga iti panagkumprontar ni Compa kenni Datuin ket inadmitir na nga innala na dagiti CCTV ken inbatad na a bayadan na dagitoy.
Nupay kasta, kalpasan ti saritaan da ket nagtalipwagaw ti suspek rason a nangipila ti kaso ni Gompa.
