LAOAG CITY – Nabirukan a natayen ti agnagan iti RONALD ALOP y RAMOS, agtawen ti 34 maysa a construction worker ken residente iti Brgy Medina, Dingras, Ilocos Norte.
Iti inbestigasyon nga inyusuat ti PNP-Pagudpud, ni Alop ken dagiti kakadua na ket adda da idiay Sitio Baniaran, Brgy Balaoi, Pagudpud Ilocos Norte gapu ta adda ti trabtrabahuen da a construction site.
Naamuan nga iti rabii ti Oct. 22, ni Alop ken dagiti katrabahuan na ket naggiinum da kalpasan na ket naturog.
Idi riingen ti kaobraan na a ni Sonny Coma iti bigat ti Oct. 23, ket saana a nariing daytoy gapu ta saanen nga umanga-anges.
Insigida nga intaray da ni Alop iti hospital ngem indeklara ti attending physician na a natayen daytoy gapu iti Sudden Arrhythmic Death Syndrome (SADS) wenno nabangongot.
