LAOAG CITY – Kinumpirmaran ni Police Chief Inspector Paul Parado, ti chief of police iti San Nicolas, Ilocos Norte ti ipupusay ni Windel dela Cruz, agtawen iti 20, residente iti Barangay 21, San Agustin ti nasao nga ili kalpasan a napaltugan na ti bukod na a bagi.
Iti eksklusibo nga interview iti Bombo Radyo Laoag, inbatad ni Parado a mapan koma resbakan ti biktima ken dagiti kakadwa na ti uliteg na a Chief tanud a ni Jojo dela Cruz iti maysa a paggiinuman iti met laeng nasao nga ili.
Rumrumuar nga iti panagturong da iti ayan ti chief tanud ket nasabat da ti aganagan ti Dennis ket inikkan na ti pen gun ti biktima a ti bala na ket caliber 22.
Nupay kasta, kuna ni Parado nga idi makita dagiti maseknan nga adda dagiti pulis ti lugar ket saan dan a nagtuloy pay.
Innayon na nga iti mabatog dagiti maseknan ti galyeraan ket ditoy a maipagarop nga inay-ayam ti biktima ti paltog a nakatamaan ti bukod na a bagi, a nagresultan iti ipapatay na.
Agtultuloy met ti imbestigasyon dagiti otoridad seknan iti nasao a pasamak.
