LAOAG CITY – Maisagsaganan ti reklamo a maipila kontra ti suspek kalpasan a natiliw babaen ti naiwayat nga drug buy bust operation iti Brgy. 16, San Marcos, iti ili A San Nicolas.
Nabigbig ti suspek a ni Marvin Garcia, agtawen ti 24, awanan asawa, ken residente iti nasao a lugar.
Insegida a natiliw ti suspek apaman nga aginnawat da iti 500 a pisos ken ti maysa nga sachet a naglaon ti maipagarup a shabu.
Narekobre pay dagiti otoridad ti tallo nga small sachet a naglaon ti maipagarup a shabu, maysa nga mini pack, maysa a narolyo a papel nga addaan ti maipagarup a napagango a bulong ti marijuana, maysa a ziplock ti napagango a bulong ti marijuana, 50 a pisos, sigrilyo a mapapati a pakausaran kadagiti marijuana, bukel ti marijuana ken maysa a kurong-kurong.
Nagtalinaed ti suspek iti kustudyar ti PNP para ti naan-anay a pannakaimbestigar na.
