LAOAG CITY – Nakakita dagiti kameng ti Las Vegas Police ti maipagarup a bomba nga asideg ti Luxur Hotel kalpasan ti napasamak a pammaltog iti Route 91 Harvest Music Festival idiay Mandalay Bay.
Daytoy ti inbatad ni Mr. Reagan Corcino, agpapaay iti Mandalay Hotel, tubo ditoy siudad ti Laoag iti ekslusibo a pannakiuman ti Bombo Radyo Laoag.
Kuna na a saan a pinaasideg dagiti otoridad dagiti tattao iti Luxur Hotel gapu ti nakita da a maipagarup a bomba iti asdeig ti nasao a pasdek bayat ti panagkakarimbuso dagiti tattao gapu ti panagpaputok ti suspek nga itan ket mapapati a nagpakamatay.
Naamuan nga asideg laeng ti pagnanaedan na idiay Las Vegas ti pagtrab-trabahuan na idiay Mandalay Bay.
