LAOAG CITY – Sumango ti kaso a panagsalungasing ti panagikot ti awan ti lisensiya a paltog ti maysa a Bgy. Kagawad iti Bgy. Nagbacalan iti ciudad ti Batac.
Daytoy ket kalpasan ti naimballigian a search warrant operation kontra iti daytoy.
Binigbig ni P/C/Insp. Allan Emerson Dauz Hepe ti Pulisya ti nasao a ciudad ti naalaan ti paltog a maysa a kalibre 45, magazine ken bala a ni Bgy. Kagawad Mario Bagaoisan, agtawen ti 52 ken addaan ti asawa.
Segun ken ni Dauz, nabagaan idi ni Bagaoisan nga isuko na pay laeng ti paltog na kalpasan a nag expire ti lisensiya na ngem saan na nga inkankano.
Kadua ti PNP-Batac a nangipatungpal ti nasao nga operasyon ti PNP CIDG, INPPO ken Maritime Police Station.
