LAOAG CITY – Balligi ti naiyuswat a drug buy bust operation kontra ti maysa a conductor ti bus ditoy ciudad ti Laoag.
Nabigbig daytoy a ni Edmund Joseph Paredes, agtawen ti 28, addaan ti live-in partner, conductor ti Fariñas trans ken residente idiay Brgy. 1, Santa Rita idiay ili ti Bacarra.
Ni Paredes ket adda iti street level target a drug personality iti biang ti PNP-Laoag.
Nakumpiskar manipud iti ikot ti suspek ti maysa a pack ti sigarilyo nga addaan ti maysa a medium plastic sachet a maatap a naglaon ti shabu, dua a bassit a sachet a maipagarop a naglaon ti shabu, maysa a sachet a maipagarop a shabu residue, 15,930 pesos a koleksyon, cellphone, motorsiklo, 5 US dollar ken ti mark money sangaribo a pisos.
Inadmitir na nga agus-usar ti iligal a droga ngem naglikudan na nga aglalako ken sakbay a nagbiyahe ket nagusar pay laeng ti iligal a droga.
Inbatad na a kadua na a nagusar ti iligal a droga ket dagiti driver ti bus a binigbig na a da Guerrero ken Padarayon.
Inbatad na a napanunutan na laeng ti nagusar ti iligal a droga idi pimmusay ti ama na.
Kabayatanna, naamoan a ti pagal-alaan na ti iligal a droga ket idiay Metro Manila.
