LAOAG CITY – Balligi a naarestar dagiti otoridad ti maysa nga indibidual kalpasan ti panagsalungasing na iti Article 255 ti National internal Revenue Code of 1997.
Nabigbig ti suspek nga agtawen ti 55, naasawaan, businessman ken residente iti Brgy. Naguirangan, iti ciudad ti Batac.
Ti warrant of arrest ket inyatag ni Judge Felix Salvador ti Regional Trial Court Branch 17 iti nadakamat a ciudad.
Segun ken PLTCOL. Adrian Gayuchan, hepe ti Philippine National Police iti ciudad ti Batac, narekomendaran ti suspek ti 60,000 a pisos para iti temporaryo a panakawaya-waya na.
Inlawlawag ni Gayuchan, a naipaima kadakuada ti warrant arrest kalpasan nga adda dagiti nasalungasing ti suspek iti panagbayad ti tax iti Bureau of Internal Revenue.
Iti agdama, ti suspek ket adda ita iti kustodiar ti Philippine National Plice iti nasao a ciudad ken manamnama a mapilaan ti maiyannatop a kaso.
