LAOAG CITY – Natay ti maysa a lalaki kalpasan a nagbekkel idiay Vintar, Ilocos Norte.
Nabigbig ti biktima a ni Felipe Calaramo, agtawen ti 57, naasawaan, maysa a construction worker ken residente iti Barangay 1, San Roque ti nasao nga ili.
Segun ti report, immuli ti biktima iti kayo a mangga ken maipagarop nga inbitin na ti bagbagi na a nagresultan ti nakatayan na.
Agpapan maisursurat daytoy a damag ket saan pay a nalawag no ania ti nagpakamatayan ti nasao a biktima.
Awan met ti nakita a foul play dagiti kameng ti PNP iti pannakatay ni Calaramo.
