LAOAG CITY – Nasugatan ti maysa a construction worker kalpasan a bimtak ti maysa a drum wenno tangke iti maysa a commercial building iti sentro iti ili a Badoc.
Binigbig ni Police Inspector Noli Alejandro, ti deputy chief of police iti ili ti Badoc ti biktima a ni Dencio Flores, addaan ti umno a tawen, maysa a construction worker ken residente ti nasao nga ili.
Segun ken ni Alejandro, ginandat ti biktima a lukatan ti drum wenno tangke a nagkargaan ti gasolina babaen ti panagusar na ti welding machine.
Nupay kasta, bimtak ti tangke a nagresulta ti panagsagaba ti sugsugat ti biktima kangrunaan na ti rupa na.
Naitaray ti biktima iti ospital para ti naan-anay a pannakataming na.
