LAOAG CITY – Natay ti maysa a motorista kalpasan a nagdinnungpar da ti maysa a truck ti paset ti Barangay 32, Samac, Pasuquin, Ilocos Norte.
Nabigbig ti biktima a ni Jerry Dancel, agtawen ti 54, maysa a construction worker ken residente ti Barangay 24, Nagsanga iti ili ti Pasuquin idinto a ti nangiturong ti dumptruck ket ni Dominador Cabasog, agtawen ti 57, naasawaan ken residente ti Barangay 27 ti met laeng nasao nga ili.
Segun ti imbestigasyon dagiti otoridad, bayat ti panagsabat dagiti dua a lugan ti agkurba a paset ti nasao a lugar ket napukawan ti kontrol ti nangiturong ti motorsiklo a nangitunda ti panagdinnungpar da ti truck.
Gapu ti napasamak ket nagsagaba ti ado a sugsugat ti biktima.
Naitaray ti biktima ti Bacarra Medical Center ngem naideklara a dead on arrival.
Iti agdama, nagtalinaed ti kustodyar ti PNP iti ili ti Pasuquin ni Cabasog karaman ti inturong na a truck ken ti motorsiklo ti biktima.
