LAOAG CITY – Tiniliw dagiti kameng ti PNP-Batac ti maysa a driver ti truck nga agibibiyahe kadagiti Baguio Vegetables kalpasan ti naimballigian nga illegal drug buy bust operation kontra iti daytoy.
Binigbig ni P/C/Inps. Allan Emerson Dauz Hepe ti Pulisya ti nasao a ciudad ti suspek a ni Marvin Bartolome, residente iti Bgy. Paayas iti ili a San Nicolas.
Segun ken ni Dauz, apagiso nga agideliver kadagiti tagilako a nateng ni Bartolome iti tiendaan iti nasao a ciudad idi maiwayat ti operasyon.
Nakumpiskar iti ikot na ti dua a plastic sachet a naglaon iti maatap a shabu ken ti busy bust money a 500 a pisos.
Kuna ni Dauz a nabayag a minonmonitor da ni Bartolome kasanguanan nga inwayat da ti operasyon ken maibilang isu iti street level category.
