LAOAG CITY – Adda ti maysa nga Ilokana a fresh graduate manipud iti Unviersity of Hawaii ti nakapasa iti Board exam iti kina-nurse a residente idiay Big Island.
Daytoy ti inbatad ni Bombo International Correspondent Manny Pascua idiay Hawaii.
Nabigbig daytoy a ni Vivien Santos, anak da Mr. Arnel ken Emerita Santos a taga San Nicolas Ilocos Norte a no sadinno a ti ama na ket dati a principal iti San Nicolas National High School.
Inbatad ni Pascua a ni Santos ket consistent scholar iti Univerisity of Hawaii – Kilo Campus.
Iti agdama ket ur-urayen laengen ni Santos ti lisensya na sakbay nga agaplikar kadagiti nagduduma nga ospital iti nasao nga isla.
