LAOAG CITY – Tiniliw dagiti kameng ti Kawaii Police Dept. ti maysa a Filipino kalpasan a nadungpar na ti maysa nga ubing nga agtawen ti 12 itay laeng napalabas a bulan ti Enero iti daytoy a tawen 2018.
Nabigbig ti naaretsar a ni Virgil Caday, agtawen ti 39, ken residente ti nasao a lugar,
Segun ken ni Bombo International Correspondent Manny Pascua ni Caday ket sumagsango ti kaso a “first dgree negligent injury” ken nairekumendaran daytoy iti 100 a ribo a dolyar para iti temporaryo a panakawaywaay na.
Kuna na a dimmagsen ti basol ni Caday gapu ta kalpasan a nadungpar na ti ubing a ni Airesa Sabay, agtawen ti 12 ket saan na a tinulungan imbes ket tinarayan na.
Magmagna nga agturong ti ubing iti bus stop idi mapasamak ti disgrasya.
Iti agdama ket nagtalinaed iti kustodyar ti Kawaii Police Dept ni Caday.
