LAOAG CITY – Natukkol ti akin-kannigid nga ima ti driver ti maysa a pampasahero a jeep kalpasan a sinapgud ti maysa a truck iti Barangay 6 ditoy ciudad ti Laoag.
Nabigbig ti biktima a ni Manny Braceros Asuncion, agtawen ti 43, naasawaan, ken residente iti Barangay 20 iti ili a Banna.
Segun ti imbestigasyon, bayat a nakasardeng ti pampasahero a jeep iti paset ti Lazaro st. bisinidad ti Barangay 6 ditoy ciudad ti Laoag ket dinungpar ti Isuzu Truck Van nga inturong ni Roderick Lapitan Llagaman, agtawen ti 49, naasawaan ken residente iti Barangay Pragata iti ili a Pasuquin.
Rumrumuar a natukkol ti ima ni Asuncion gapu ta bayat ti panangipayapay na ti ima na iti sumarsaruno kenkuana a lugan ket maipagarop a dinarusdos latta ti van a nakatamaan ti ima na.
Iti agdama, agtultuloy ti imbestigasyon ti PNP-Traffic Division seknan ti nasao a pasamak.
