LAOAG CITY – Pimmusayen ti maysa kadagiti a biktima ti desgrasya a napasamak idiay Barangay 22, San Guillermo iti ili ti San Nicolas, Ilocos Norte.
Nabigbig daytoy a ni Angelo Asuncion, agtawen ti 25, awanan ti asawa, maysa a call center agent ken residente iti nasao met laeng a barangay.
Segun ti PNP-San Nicolas, agpadaya a direksyon ni Asuncion iti barangay road idi nadungpar na ti tricycle nga inturong ni Pablo Baptista, agtawen ti 54, naasaawaan ken residente iti Barangay 15, San Jose iti nasao nga ili.
Gapo iti daytoy, natennag ni Asuncion iti concrete pavement ken nagsagaba ti nakana a sugat iti ulo na idinto a nagsagaba met ti sugat iti nagduduma a paset ti bagi ni Baptista.
Naitaray ni Asuncion iti maysa a pribado nga ospital ngem niayakar iti ospital idiay probinsya ti La Union nga isu ti nakatayan na.
Iti agdama ket nagtalinaed iti Gov. Roque Ablan Senior Memorial Hospital ni Baptista.
Rrumrumwar a ni Asuncion ket napaspas ti panagpataray na ken maipagarop nga adda iti impluwensya ti nasanger idi napasamak ti insidente.
