LAOAG CITY – Nagtalinaed iti ospital ti driver ti kurong-kurong kalpasan a nagsagaba ti sugat iti ulo gapo iti napasamak a desgrasya iti Barangay Sta. Maria ditoy ciudad ti Laoag.
Nabigbig daytoy a ni Rocky Badua, taga Barangay 23 iti ili ti San Nicolas.
Basar iti imbestigasyon ti Philippine Natonal Police – Laoag Traffic Division, agpaabagatan ni Badua ken sarsarunwen na ti maysa met laeng a kurong-kurong nga inturong ni Felimon Gaoiran, residente iti Barangay Dibua North ditoy ciudad ti Laoag ngem kellaat a nag-overtake ni Badua rason a napukawan ti kontrol.
Gapo iti daytoy ket nadungpar na ni Gaoiran agingga a nagbaliktad ti kurong-kurong ni Badua a rason ti nakasugatan ti ulo na.
Dagus met a naitaray dagiti biktima iti ospital ken ni Gaoiran ket nakarwar met laeng.
Naamoan a ni Badua ket nakainom ti nasanger idi napasamak ti insidente.
Kabayatanna, binalakadan ti Philippine Natonal Police ti publiko nga agannad iti panagmaneho.
