LAOAG CITY – Napilaanen ti reklamo a malversation ti maysa kadagiti dua nga adda ti pakainaigan na iti panagkol-kolektar ti kwarta nga awan ti ited da a resibo iti merkado publiko ditoy ciudad ti Laoag.
Malaksid iti kaawan ti resibo nga ipapaay dagiti maseknan ket saan da pay nga inbaybayad dagiti nakolektar da a kwarta iti business permit dagiti agtagikua kadagiti stalls iti tiendaan ditoy ciudad.
Daytoy ket basar ken ni Market Master Julie-Anne Quiroga.
Inbatad ni Quiroga nga inpursige ti maysa kadagiti agtagikua iti stall iti merkado publiko ti nagpila ti reklamo gapu ta saannan na kayat ti agdoble nga agbayad.
Kabayatanna, inpakaammo ni Quiroga a 10 a porsiento laengen dagiti agtagikua kadagiti stalls iti tiendaan ti saan a nakaala ti permit na.
