LAOAG CITY – Tiniliw dagiti otoridad ti maysa kadagiti dua nga indibidual a naaprubaran a lumaban ken ni President Kais Saied iti umadanin eleksyon idiay Tunisia.
Naamoan a ti challenger a ni Ayachi Zammel ket natiliw gapu iti maipagarop a panangswitik na ti detalye dagiti mangsupsuporta kenkuana.
Ti pannakatiliw ni Zammel ket napasamak kalpasan a maak-akusaran ni President Saied a ginandat na nga i-restrict ti bilang dagiti mapalubusan nga agkandidato kontra kenkuana.
Maipalagip a sipud nangabak ni Presidente Saied idi 2019 ket sinuspenso na ti parliamento ken inbukbuk na ti panawen na iti panagturay na idiay Tunisia.
Kabayatanna, indiskribir met kas “absurd” dagiti miembro ti campaign team ni Zammel a ti pannakatiliw ken pannakabalud na.
Maiyuswat ti presidential election idiay Tunisia intono Oktubre ita a tawen.
