LAOAG CITY – Patien ni Barangay Chairman Wilfredo Limin iti Barangay Escoda iti ili ti Marcos a gapo iti dati a sakit ni IN-C1935 ti puon ti nakatayan na.
Ni IN-C1935 ket maysa a babai nga agtawen ti 69 ken residente iti nasao a barangay.
Segun kenni Limin, nabayagen nga adda ti sagsagabaen a sakit ti pasyente sakbay pay a naduktalan a nagpositibo iti covid-19.
Inpetteng na a saan a rimrimuar ni IN-C1935 gapo ta adda met ti gundaway a kumapsot ti bagi daytoy.
Saan pay a patien ti kapitan nga adda ti covid-19 ni IN-C1935 gapo ta saan met a rumrumuar ken awan unay ti nakapulpulapol na.
Iti agdama, kunana a ti bangkay ni IN-C1935 ket macremate.
