LAOAG CITY – Nakasuanen ti maysa a lalaki a maipagarup a karaman kadagiti nakaengkwentro dagiti otoridad iti naiwayat a raid iti Barangay Tapao-Tigue, Currimao, Ilocos Norte idi Biernes a nakatayan ti tallo a suspek.
Dayoty ket kalpasan a natiliw dagiti otoridad ni Zaldy Gabriel, agtawen ti 30, ken residente ti Brgy. Baay, Batac City a nakalibas iti napasamak nga engkwentro dagiti pulis ken dagiti tallo a pimmusay.
Segun ti report, sanguen ni Gabriel ti kaso a multiple attempted homicide ken panaglabsing ti RA 9165 wenno Comprehensive Dangerous Drugs Act of 2002 kalpasan a nakaala dagiti otoridad ti dua a sachet a naglaon ti maipaagrup a shabu.
Maipalagip a natay ti tallo a tattao a maipagarup a gun for hire kalpasan a limmaban da kadagiti otoridad ken nakalaan ti adu nga high-powered firearms ken sumagmamano nga high explosives kas iti TNT explosives ken M203 grenade launcher.
