LAOAG CITY – Naglikudan ni Barangay Chairman Ronnie Agresor iti Barangay Cabayo, Vintar, Ilocos Norte ti alegasyon kenkuana.
Daytoy ket mainaig ti maipagarop a ginandat na a bisungen ti agnagan ti Mildred Acosta.
Inpasingked ni Agresor a nakasagana a mangsango ti aniaman a reklamo a maipila kontra kenkuana.
Innayon na nga adda dagiti sumagmamano a barangay tanud ken konsehal na a makapaneknek a saanna nga inaramid ti alegasyon kenkuana.
Immuna ti daytoy, inlawlawag ti kapitan a nagturong iti eskwela a pagub-ubraan da Acosta ken dagiti kakadwa na ket dita nga aggiinom dagitoy.
Kuna na nga iti rumuar ti ayan da a kwarto ket maipagarop nga inwadag ti kadwa da Acosta a lalaki a nakasugatan ti palay-palay na.
Inbatad na a nagpadpadespensar dagiti maseknan karaman ditoy ni Acosta no sadinno a sinurot na pay agingga iti lugan na nga owner tapno kiddawen a saannan nga irekreklamo gapu ta kaasi ti pamilya ti nasao a lalaki.
Segun pay ti kapitan, inyabrasa ni Acosta ti akin-kannawan nga ima na iti abaga na ken nagbeso-beso da.
