LAOAG CITY – Natay kalpasan a napaltupaltugan ti maysa a karpentero iti Bgy. Saud iti ili ti badoc.
Nabigbig daytoy a ni Edwin Rinier, agtawen ti 49, naasawaan ken itay laeng bulan ti Marso iti daytoy a tawen a nakarwar iti pagbaludan kalpasan a napaneknakan nga awan ti basol na iti kaso a nakairamramaman na.
Segun ken ni P/S/Insp. Arnel Tabaog, Hepe ti Pulisya ti nasao nga ili, kagapgapu ti biktima iti pagtaengan da gapu ta napan nangaldaw ngem bayat ti panagturong na iti pagtrabahuan na masarakan met laeng iti barangay da a nakalugan iti motor na , ket idiay a pinaltupaltugan da da.
Kuna na nga awan ti nabirukan da a kapsula iti nakapasakan ti krimen ken iti barokong ti biktima ti nakita da nga ayan dagiti tama na.
Intaray da iti hospital ngem naidedlara a dead on arrival.
Saan pay nga amo no ania ti motibo ti nasao a krimen.
Kabayatan na, nagpannawagan ti anak ni Edwin a ni Sheryll ti justisya iti pannakatay ti aman na.
Kuna na nga awan ti ammo na a rason tapno papatayen da ti ama na.
Nasakit ti nakem na gapu ta sibabalaod pay ti inana gapu iti pannakairamraman na gapu iti illegal a droga.
