LAOAG CITY – Manamnama a mapilaan ti kaso a qualified theft ti maysa a konduktor ti Fariñas Bus gapu ti maipagarop a saanna a panangiremit amin a napasadaan da iti pagpapaayan na a kompanya.
Nabigbig daytoy a ni Gleny Balbag Sabado, agtawen iti 47, awanan iti asawa, taga Barangay Poblacion 1, iti ili a Pagudpud ngem agdama nga agnanaed iti Barangay 23 ditoy ciudad iti Laoag.
Segun ti report, saan nga inremit amin ni Sabado ti napastrek da a 23, 015 a pisos ken ti laeng inremit na ket 14 ribo a pisos.
Gapu ti daytoy, pinatiliw ti manager ti nasao a bus company ti suspek ken manamnama a mapilaan ti kaso a qualified theft.
