LAOAG CITY – Inpetteng ni Mr. Emerito Tungpalan, agtawen ti 62, maysa a kutsero ken residente ti Barangay Balatong ditoy ciudad ti Laoag a saan na a nadlaw a nadungpar na ti maysa a babai.
Segun kenni Tungpalan, idi agpabagatan a direksyon iiti Suba road ket naibaga kenkuana a nadungpar na ti babai uray kunana a nalinis ti panagturong na iti nasao a direksyon.
Inbatad na nga awan ti narikna na a nadungpar na wenno limmagto kuma ti ligay ti kalesa na tapno maibaga na nga adda ti nadungpar na.
Inlawlawag na a no ammo na kuma nga adda ti nadungpar na ket tinulungan na kuma ken saan na nga itarayan ti insidente.
Mainaig iti daytoy, inbatad ni PO2 Bulosan, duty traffic investigator ti PNP-Laoag a naitaray ti biktima iti Laoag City General Hospital kalpasan ti insidente.
Kunana a basar ti akusasyon ti biktima ket nadungpar ti kutsero isuna.
