LAOAG CITY – Dead on arrival iti Rural Health Unit (RHU) iti Solsona, Ilocos Norte ti maysa a lakay kalpasan a nakimat.
Binigbig ni Mayor Alexander Calucag ti biktima a ni Santiago Alonzo, naasawaan ken residente iti Sito Bliss, Bgy. Manalpac ti nasao nga ili.
Segun ti mayor, bayat ti panagburas ti mais ti biktima kadwa na ti pamilya na iti Sitio Matayag ti nasao a Bgy. Ket kellaat a naggurruud ti napigsa kageddan ti napigsa a kimat a nakatamaan ti biktima.
Dagus a nangipaay ti tulong ti mayor iti pamilya ti nasao a biktima.
Kabayatanna, nagpalagip ti mayor kadagiti kailian na a no mangrugin nga agtudo ket aglinong dan tapno maliklikan ti pannakakimat da.
