LAOAG CITY – Agtultuloy a kumkumpirmaran dagiti otoridad no saisinno ti akin-kukua ti aso a nadungpar ti maysa a lalaki nga agnagan ti Jenel Ulep y Deuz, agtawen 45, residente iti Barangay 18 iti ili ti San Nicolas iti paset ti Batac road.
Daytoy ti inbatad ni PO1 Romeo Bartolome Jr., Asst. Traffic Investigator iti PNP-San Nicolas.
Segun kenni Bartolome, bayat nga agpaamyanan a direksyon ni Ulep ket limmasat ti aso rason a nadungpar ti biktima.
Gapo iti daytoy, nagsagaba ti head injury ti biktima ken sugat iti nagduduma a paset ti bagi na kalpasan ti insidente.
Kinumpirmaran met ni Bartolome nga adda iti impluwensya ti nasanger ti biktima bayat ti panangiturong na ti motorsiklo na.
Rumrumwar basar ti maysa a nakakita iti insidente, maipagarop nga adda ti sinurot ti aso a nakamotor nga agpaamyanan met laeng a direksyon.
Innayon ni Bartolome a no mabigbig dan ti akin-kua ti aso ken mabalin a sumango ti reklamo gapo ti walang nga aso.
