LAOAG CITY – Balligi ti inyuswat dagiti otoridad a drug buy bust operation kontra iti maysa a lalaki idiay Barangay Bungcag iti ili ti Dingras.
Nabigbig daytoy a ni Mr. Reynaldo Asuncion, agtawen ti 39, taga Barangay 5 iti ili ti San Nicolas ngem agnanaed iti Barangay Peralta iti ili ti Dingras.
Segun kenni SPO4 Belong, adda ti report nga adda ti isapsapol na nga ilako isut gapo na nga inyuswat da a dagus ti operasyon.
Nakumpiskar dagiti otoridad ti dua a sachet a naglaon ti maatap a shabu ken ti maysa a sachet ket agbalor ti 500 a pisos.
Mainaig iti daytoy, naiget a naglikudan ni Asuncion a kukua na ti nakumpiskar a droga.
Inpetteng na nga idi simmuko idi tawen 2016 ket insardeng na metten ti nagusar ti iligal a droga.
