LAOAG CITY – Balligi ti naiyuswat a drug buy bust operation babaen kadagiti kameng ti Provincial Drug Enforcement Unit ken PNP-Sarrat nga idadaulwan ni Police Chief Inspector Joseph Baltazar idiay Barangay 22, San Cristobal iti nasao nga ili.
Nabigbig ti suspek a ni Nestor Lastimosa, agtawen ti 47, awanan ti asawa ken residente iti Brgy. 20 iti nasao nga ili.
Nakagatang ti nagpammarang a gumatang ti iligal a droga ti tallo a sachet a naglon ti maipagarop a shabu nga agbalor ti 500 a pisos.
Nakarekobre pay dagiti pulis ti dua a sachet a naglaon ti maatap a napagango a bulong ti marijuana a nakaikabil iti karton ti sigarilyo, 500 bill a marked money, maysa a karton ti sigarilyo, 1,170 a pisos a personal na a kwarta ken cellphone na.
Mainaig iti daytoy, naglikudan ti suspek nga agus-usar ti iligal a droga gapo ta idi pay laeng tawen 2010 ti naudi a nagusar ken saan na nga ammo no apay a natiliw ken awan met ti basol na.
Kabayatanna, nnbatad ni Baltazar a basar ti panagminitor da ket saan pay a nagsardeng ni Lastimosa.
Segun kenni Baltazar, kunana a ti asset ti Provincial Drug Enforcement Unit ket nalakwan ni Lastimosa ti iligal a droga.
Gapo iti daytoy, kunana a nagpatulong ti PDEU kadagiti kameng ti PNP-Sarrat tapno maiyuswat ti operasyon.
Inlawlawag na a dagiti videoke bar ti masansan a makaiyus-uswatan ti iligal a transaksyon.
Kuna ni Baltazar a normal a paglikudan ti suspek a kukua na dagiti nakumpiskar nga iligal a droga kenkuana.
