LAOAG CITY – Nganngani napigis ti lapayag ti agnagan iti Marvin Carillo, addaan iti umno a tawen ken residente iti Bgy. iti ciudad ti Laoag.
Daytoy ket kalpasan ti napasamak a komosyon iti paset ti Bgy. 10 iti ciudad ti laoag.
Kuna ni Carillo, gapu laeng iti panaganawa na iti panangdangranda iti ading na ket isu met ti nangitunda iti pannakadangran da.
Kunana a napanda nangan kadua na dagiti kakabsat ken ipag na ti lomi ket manarimaan da nga agpalpalpa idi mapasamak ti pannakadangran da.
Kuna na a nakita na dagiti nangdangran kadakuada a karaman ditoy dagiti aglutluto ti lomi ken dagiti trisikel driver.
Nasakit ti nakem ni Carillo gapu ta idi dumawat da iti tulong iti guwardiya ket imbes a tumulong saan gapu ta kayat na nga adda agriri gapu ta napintas a buyaen.
Ni Marvin Carillo iti Bgy. 1 iti ciudad ti Laoag.
Awan ti naala nga informasyon ti Bombo Radyo iti Bgy. 10 iti ciudad ti laoag iti lugar a nakapasamakan ti komosyon a nakadangran ti pamiya Carillo iti Bgy. 1 iti ciudad ti laoag.
Daytoy ket kalpasan a personal a tinurong ti roving team ti nasao a lugar idi rabii.
Adda da dagiti nadanon da a tattao kas iti video okean ngem awan ti mangayat nga agsarita.
Uray iti pilaan dagiti trisikelan ket saan a nakita ti roving team dagiti sidecar number dagiti driver a nabigbig a maipagarup a nakipagdandangran kadagiti biktima.
Iti PNP Laoag, inpanamnama da a mangisayangkatda iti naun-uneg nga imbestigasyon seknan iti nasao a pasamak.
