LAOAG CITY – Natiliw ni Kylie Corpuz, agtawen iti 27, addaan iti live-in partner ken residente iti Barangay 23, Sta. Catalina, Pasuquin, Ilocos Norte babaen ti bileg ti maysa a warrant of arrest.
Ti nasao a warrant of arrest ket inparuk-at ni Hon. Judge Gemma Bucayo-Madrid, acting presiding judge iti RTC Branch 19 iti ili ti Bangui gapu ti kaso ni Corpuz a frustrated homicide.
Nairekomendar iti 72 ribo a pisos a piyansa ni Corpuz para ti temporaryo a pannakawaya-waya na.
