LAOAG CITY – Nagpakamatay ti maysa a lalaki gapo ta maipagarop a problema na ti salun-at na idiay Brgy. 30, Vintar, Ilocos Norte.
Nabigbig ti biktima a ni Jackson Sao y Agriam, agtawen ti 37, addaan ti live-in partner ken residente iti nasao a barangay.
Segun ti report, bayat ti papan iti bantay da Johnny Lista y Eda, agtawen iti 59, naasawaan, mannalon ken ni Roque Manlanlan ket nakita da ti nakabitin a bangkay ti biktima iti kayo ti bugnay iti met laeng nasao a barangay.
Gapu ti daytoy, insigida da a napan inreport ken ni Brgy. Chairman Donbert Agresor ti napasamak ken ni Sao.
Mainaig ti daytoy, inbatad ti live-in partner ti biktima a ni Coraline Lardizabal y Plado, agtawen ti 37,agnanaed met lang ti nasao a barangay, nagsakit ti buksit ti biktima ken iti panagsarsarita da ket naibaga kenkuana ti live-in partner na a no madi ti gasgasat na ket mapan nanto isarungkar ti anakda ton maipasngay na iti kamposanto.
Inbilin pay ti biktima a mapanto isubli ti live-in partner na dagiti tarakenda a dingwen kadagiti agtagikukua.
Mainaig ti daytoy, inpasingked ni Dr. Heidi Marita Albano, Municipal Health Officer iti nasao nga ili nga awan ti foul play iti napasamak ken ni Sao basar iti panangeksamen na ti bangkay na.
