LAOAG CITY – Sumango ti kaso a panagsalungasing ti RA 10591 wenno Comprehensive Law on Firearms and Ammunition ken Comelec Gunban ti maysa a lalaki iti ili a Sarrat kalpasan a natiliw a nagikot iti dua a paltog.
Nabigbig daytoy a ni Eduardo Valdez, agtawen ti 39, addaan ti asawa ken residente iti Bgy. 10 ti nasao nga ili.
Segun ken ni P/C/Insp. Roldan Suitos, Hepe ti Pulisya ti nasao nga ili, kinariri ti suspek ti kabsat na a rason a naaddaan ti komosyon a nagresultaan ti maipagarup a pangisakbit na kadagiti dwa a paltog na.
Dagitoy ket maysa a kalibre 357 a magnum a paltog nga addaan ti 3 a bala ken kalibre 38 a revolver a paltog ken addaan ti 6 a bala.
Sabali laeng dagiti naala a maysa a bala ti shotgun, ken nagduduma nga empty shell ti bala para iti M-16 armalite riffle, kalibre 45 ken kalibre 22 a paltog a nakaikabil iti uneg ti maysa a nakalukat a box.
