LAOAG CITY – Pimmusay ti maysa a lalaki bayat a maag-agasan iti Gov. Roque Ablan Sr. Memorial Hospital itay parbangon.
Nabigbig ti pimmusay a ni Judel Domingo, agtawen iti 18, ken residente iti Bgy. 20 Cadaratan iti nadakamat nga ili.
Iti inisyal nga imbestigasyon ti PNP-Bacarra, nakalugan ni Domingo iti motorsiklo ken ilubbon na ti agnagan iti George Michael Bolusan, agtawen iti 18 ken residente met laeng iti nasao a barangay.
Manarimaan dagitoy nga agpapaamyanan a direksiyon iti national highway a paset ti Bgy. 28 Cabusligan idi ta naawanan ti kontrol iti manibela ni Domingo ket naidungpar da iti inaladan ti pagtaengan ti agnagan iti Restito Bumanglag.
Agpadpada da Domingo ken Bolusan a nagsagaba iti sugat kadagiti nagduduma a paset ti bagi da ngem napakaruan ni Domingo a rason iti pimmusayan na.
