LAOAG CITY – Kinumpirmaran ni Mr. Bernard Salvador Jr., agtawen ti 47, naasawaan ken residente iti Barangay Raraburan ditoy ciudad ti Laoag ti panangdangran kenkuana ti maysa a pulis ken dua a sabsabali pay.
Daytoy ket kalpasan nga inbatad na nga “imbag ta ni Duterte ti nagbalin a presidente ken amangan a no sabalin to manen ti ag-presidente ket agsublin to manen ti korapsyon ken droga”.
Iti panagturong ni Salvador iti bombo radyo, inbatad na a napasamak daytoy bayat ti panaggiinom da idi rabii ti Marso 3 iti maysa a pasken.
Inlawlawag na a gapu ti naibaga na ket tinungpa ti saanna a nabigbig a personalidad a bisita ti pulis a ni Ferdinand Santos.
Inadmitir ni Salvador a saanna a napuutan ket sinubbot na met ti maseknan ket dita metten a maipagarop a pinang-or ti tugaw ti binigbig na ti Anicieto a bisita met laeng ti pulis a ni Santos.
Kuna na nga iti iruruwar ni Santos ket ginandat na ti agpalawag ngem maipagarop a saanen a pinagsarita pay ti pulis ken bulon nan ti nangdangran kenkuana.
Kinumpirmaran ni Salvador a napan nagreport iti kampo ngem inpasa da iti PNP-Laoag ket ditoy a maipagarop a kinasarita da nga urnusen da laengen.
Nupay kasta, pursigido ni Salvador nga agpila ti kaso kangrunaan na ket maipagarop a pinangtaan da pay ti biag na.
