LAOAG CITY – Nasugatan ti lapayag ti maysa a lalaki kalpasan a nabiktima ti wistlebomb idiay Barangay Bulbulala, Vintar, Ilocos Norte.
Nabigbig daytoy a ni Edilbert Baylon, agtawen ti 33 ken residete ti nasao a barangay.
Naitaray a dagus ti biktima iti Piddig District Hospital para ti naan-anay a pannakataming na.
Segun ti PNP, bayat ti panangsindi ni Baylon ti wistlebomb ket nagsagawisiw ken timmayok a timmama ti lapayag na.
Nupay kasta, kuna ti PNP a nagasat gapu ta saan a pimmutok ti wistlebomb isut gapu na a saan unay a napakarwan.
