LAOAG CITY – Sinentensiyaan ni Judge Francisco R.D. Quilala, ti Regional Trial Court, Branch 14, ditoy Laoag City a “guilty” ti agnagan ti Mikko Lorenzo aka “Nikko Lorenzo”, addaan ti umno a tawen, awanan asawa ken residente ti Brgy. #1, iti nasao met la a ciudad.
Daytoy ket kalpasan ti agarup dwa a tawen a panangadal na ti kaso nga homecide a naipila kontra iti nadakamat a suspetsa gapu iti panangpaltog na ti agnagan iti Jansen Agriam Guerrero, agtawen ti 20, awanan ti asawa ken residente ti Brgy. #1, Casili road, Laoag City.
Segun iti PNP-Laoag, naduktalan ti korte a nagbasol ti suspek rason nga inyetnag na ti pannusa nga indeterminate penalty manipud eight 8 a tawen a prision mayor kas minimum ingganat 17 a tawen, uppat a bulan ken maysa nga aldaw a reclusion temporal kas maximum.
Malaksid iti nasao a pannusa namandar pay ti nasao nga akusado nga agbayad kadagiti kameng ti pamilya ti biktima ti Php50,000.00 kas civil indemnity gapu iti pannakatay ti biktima, Php50,000.00 kas temperate damages, Php50,000.00 kas moral damages; ken Php50,000.00 kas exemplary damages.
Namandar pay ti akusado nga agbayad ti interest kadagiti nadakamat a kantidad a ti legal rate ket six percent (6%) per annum, a macompute manipud iti finality ti Judgment inggana a saana mabayadan amin ti danyos.
Maipalagip a napasamak ti nasao a krimen idi Abril 26, 2015.
