LAOAG CITY – Dead on arrival iti ospital ti maysa a lalaki kalpasan a nagbekkel idiay Barangay Ricarte iti ciudad ti Batac.
Nabigbig ti biktima a ni William Manuel y Pascual, agtawen ti 57, balo ngem addaan ti live-in partner, maysa a vulcanizer ken residente iti nasao a barangay.
Segun kenni Police Senior Inspector Dionisio Baldillo III, ti deputy chief of police ti PNP-Batac, rumrumwar iti inisyal nga imbestigasyon da nga adda ti saan a nagkinanawatan ti biktima ken ti live in partner na iti napalabas nga aldaw.
Inlawlawag na a gapo iti daytoy ket posible a naaddaan ti problema seknan iti panagriri da iti live in partner na ken daytoy ti maysa a kitkitaen da a rason.
Inbatad na nga adda ti posibilidad na a na-depress ti biktima gapo iti panagriri da rason a kinettel na ti bukod na a biag…..VC…cue out………biktima
Kunana nga awan met ti makitkita da a foul play iti pannakatay ti biktima.
Rumrumwar a ti inusar ti biktima a panagpakamatay ket puraw a waya ken ummuna a nakita ti mapan kuma agpa-vulcanize.
Naamoan nga awan met pay ti inpaay nga statement ni live in partner ti biktima mainaig iti panagpakamatay ti lalaki.
