LAOAG CITY – Nagsagaba ti sugat ti ulo ken posible a pannaka-fracture ti panga ti lalaki kalpasan a naidungpar ti motorsiklo iti maysa a puun ti mangga idiay Barangay Balacad ditoy ciudad ti Laoag.
Nabigbig daytoy a ni Zyrus Jethro Mayamnes Chan, agtawen ti 20, awanan ti asawa ken residente ti Barangay 50, Buttong ditoy ciudad ti Laoag.
Iti panagresponde dagiti kamneg ti PNP-Traffic Division ken Dept. of Public Safety Paramedics, naamoan nga adda pay ti lubbon na anga agnagan ti Dan Aguilar, agtawen ti 21, awanan ti asawa ken residente iti Barangay Valdez iti ili ti Banna.
Naamoan a bayat nga agpapadaya a direksyon dagiti biktima ket nadiskarkulo da a rason a naidungpar da iti puun ti kayo.
Dagus a naitaray dagiti biktima iti Laoag City General Hospital ken nagpositibo da ti nasanger.
