LAOAG CITY – Nabirukan a maysan a nalamiis a bangkay ti maysa a lakay iti uneg ti pagtaengan da idiay Brgy Libtong ti ili ti Bacarra.
Ti lakay a nabigbig ti nagan a Juanito Dumlao, agtawen ti 57, awanan ti asawa, awanan ti trabaho ken residente ti nasao a barangay ket nabirukan ti agnagan Nena Yi, karruba ti biktima.
Naammuan a ti biktima ket nakita ni Yi a naka-edda a nakasikig iti kannigid ket dagus na nga impakaammo iti karruba da ken iti pulisya no sadino nga inayaban da ni Municipal Health Officer, Dr Manuel Andres tapno maamiris ti bangkay ni Dumlao.
Naduktalan a ti biktima ket natay gapu ti cardiac arrest.
