LAOAG CITY – Nasugatan ti maysa a lalaki kalpasan a nadungpar ti GMW bus inturong na a kurong-kurong iti paset ti national highway, Barangay Ngabangab iti ili ti Pasuquin.
Binigbig ni Police Chief Inspector Roldan Suitos, chief of police ti PNP-Pasuquin ti biktima a ni Danilo Agoo.
Iti insyal nga imbestigasyon dagiti otoridad, agturong ti abagatan a direksyon ni Agoo ket ditoy a maipagarop a dinungpar ti nasao a bus.
Dagus met a naitaray ti biktima iti Gov. Roque Ablan Sr. Memorial Hospital ditoy ciudad ti Laoag gapo ti sinagaba na a sugat iti ulo ken saka na idinto a ti driver ti bus ket simmuko kadagiti otoridad.
