LAOAG CITY – Natay ti maysa a lalaki kalpasan a nagbekkel idiay Brgy. 19, San Lorenzo iti ili ti San Nicolas.
Nabigbig daytoy a ni Mark James Salvador, 25, awanan ti asawa, maysa a construction worker, ken residente met laeng iti nasao a Barangay.
Rumrumuar nga immunan a nakita iti uncle na a ni Freddie Dela Cruz a nakabiten iti mismo a kuarto na babaen iti tali idi alas-dose ti aldaw ti Lunes, Hunyo 10.
Segun iti imbestigasyon ti PNP San Nicolas, possible a depression ti makagapo no apay a nagbekkel ti nasao a biktima.
Dagus a naitaray iti pribado nga ospital ti biktima nga naideklaran a dead on arrival.
Kabayatana, inbatad ti pamilya na a masansan a bagbagan da saan nga agin-inum ti nasanger gapu iti sagsagabaen na a sakit nga epilepsy wenno panagkissiw, ngem saan na nga ikankanuno dagiti pammabaga da kenkuana.
Naamoan a ni Salvador ket agnanaed iti puder iti Lola na iti ili ti San Nicolas, idinto a dagiti nagannak na ket agnanaed idiay ili ti Solsona.
