LAOAG CITY – Natay ti maysa a lalaki kalpasan a nadesgrasya idiay Brgy. Peralta, Dingras, Ilocos Norte.
Nabigbig daytoy a ni Denj Salvatierra y Buneo, agtawen ti 18, addaan ti live-in partner, newly elected SK Brgy. Kagawad, drug surrenderer, first year college student ken residente iti Brgy. Puruganan iti nasao nga ili.
Segun ti PNP-Dingras, kabayatan nga agpabagatan a direksyon ti biktima ket naidungpar iti maysa a puon ti kayo.
Gapo iti daytoy, nagsagaba ti sugat iti nagduduma a paset ti bagi ti biktima kangrunaan ti ulo na a rason ti nakatayan na.
Naitaray daytoy iti Dingras District Hospital ngem naiyakar iti Karmelli Hospital ditoy ciudad ti Laoag.
Nupay kasta, pimmusay ni Salvatierra kabayatan a maag-agasagan iti ospital gapo ti nakaro a sugat iti ulo na.
Rumrumwar a biktima ket adda iti impluwensya ti nasanger ken awan ti helmet na bayat ti panagmaneho na.
