LAOAG CITY – Natay ti maysa a lalaki kalpasan a nakuryente iti iniggaman na a mikropono ti videooke idiay Brgy Poblacion iti ili ti Dumalneg, Ilocos Norte.
Nabigbig ti biktima a ni Rufo Orio, agtawen ti 22, maysa a baro ken residente ti nasao a lugar.
Segun kenni Police Sr. Insp. Jaylord Sibaluca ti PNP Dumalneg, kadua ti biktima dagiti tallo a pagayam na iti maysa a videoke bar.
Kuna na nga insaksak ti maysa kadagiti kadua ni Orio ti cord ti mikropono ti videoke tapno agkakanta da idi ta nakuryente ti biktima idi iggem na ti mikropono.
Gapu iti daytoy intaray da ti biktima iti ospital ngem indeklara ti attending physician a dead on arrival daytoy.
