LAOAG CITY – Agtultuloy ti imbestigasyon dagiti otoridad seknan ti pannakatay ti maysa a lalaki kalpasan a naipang-or ti bato iti ulo na iti paset ti Brgy. Sta. Matilde Elementary School iti ili ti Pasuiquin.
Binigbig ni Police Chief Inspector Roldan Suitos, chief of police ti PNP-Pasuquin ti biktima a ni Regie Albias, mannalon ken residente iti nasao a lugar.
Segun kenni Suitos, idi bigat kalman ket nabirukan ni Mr. Asuncion Alber ti kabsat na a biktima iti mismo uneg ti nasao a pagadalan.
Inbatad na a napan naki-inom ti biktima kadagiti trabahador ti pagadalan idi napasamak ti insidente.
Naamoan a dagus a naglibas ti suspek kalpasan ti nadakamat a pammapatay kasta met dagiti amin a kinainuman ti biktima.
