LAOAG CITY – Dead on arrival iti Mariano Marcos Memorial Hospital and Medical Center (MMHMC) iti ciudad ti Batac ti maysa a lalaki a biktima ti vehicular accident iti Barangay Balacad ditoy ciudad ti Laoag.
Nabigbig ti biktima a ni Crisanto Fuerte y Halog, agtawen iti 37, naasawaan ken residente iti Barangay Balatong ditoy ciudad ti Laoag.
Segun iti imbetigasyon, bayat nga agpapaamyanan a direksyon ti biktima a nakalugan iti motorsiklo ket natulid gapu kadagiti nakaiwarang a dardarat ken dadakkel a bato iti kalsada iti nasao a lugar.
Naamoan a kalpasan a natulid ket nadungpar ti maysa nga hyundai starex van nga inturong ni John Patrick Resquir, agtawen iti 25, residente iti Barangay 35, Gabu iti met laeng nasao a ciudad.
Naitaray ti biktima iti ospital idiay ciudad ti Batac ngem naideklara a dead on arrival gapu kadagiti sinagaba na a nakana a sugat.
Iti agdama, agtultuloy ti imbestigasyon dagiti otoridad ti napasamak nga insidente.
