LAOAG CITY – Posible a gapu ti bannog ket naginana ken kaadda ti inpluwesniya ti nasanger ni Flor Malapira, agtawen ti 65 ken residente iti Bgy. Alogoog iti ili ti Badoc ket bayat ti panagtugaw na iti riles ti rangtay ti ili a Bacarra ket nailibay rason a natenag daytoy.
Daytoy ti rum-rumuar iti pakpakauna nga imbestigasyon nga inyuswat ti PNP-Bacarra kalapsan a naipakammo kadakuada ti nasao a pasamak.
Segun ken ni P/Insp. Fredwin Sernio, Deputy Chief of Police ti ili ti Bacarra, nagturong ni Malapiraiti Bgy. 2 iti ili a Pasuquin gapu ta binista na dagiti kakabagian na addan tallo nga aldaw ti napalabas.
Nupay kasta, idi rabii ket adda ti kinariri na bayat a naggiinum da ket saan a nagpakpakada a nagtalaw inggana a nagnagna.
Nakita da laengen itay bigat iti sirok ti nasao a rangtay a daradara ti ulo na.
Insigida met a naitaray iti ospital nga iti agdama ket manarimaanen a maag-agasan.
Mainaig iti daytoy, nagpanawagan ti opisyal a no adda inum ti maysa a tao ket nalalaing no agtalianed iti uneg ti balay ken sanen a rumruuar.
