LAOAG CITY – Kinumpirmaran ni Police Inspector Fredwin Sernio, chief ti investigation section ti PNP-Batac a mismo a nakita dagiti kameng ti PNP-Batac ken Mobile Force Batallion 1 ti maysa a lalaki nga agpukpukan ti kayo ti Narra idiay Sitio Napo, Barangay Colo idiay ciudad ti Batac.
Binigbig na ti suspek a ni Mario Salvador a manarimaan ti panagpukan na bayat a nagresponde dagiti otoridad.
Segun kenni Sernio, adda ti naawat da a report seknan ti iligal a panagpukan ti kayo iti nasao a lugar.
Inbatad na nga awan ti naipakita a permit ni Salvador iti panagpukan na ngem ti inusar na a chain saw ket addaan ti permit.
Inlawlawag na a basar iti palawag ni Salvador ket nabilin laeng a mapan agpukan ngem saan na a nadakamat no siasinno ti nangibaon kenkuana.
Mainaig iti daytoy, kuna ni Sernio a kinumpirmaran dagiti kameng ti CENRO a napukan ti kayo saan ket a pruning laeng kas iti ipetpetteng ni Salvador.
Iti agdama ket nagtalinaed ti suspek iti kustudiyar ti PNP-Batac
