LAOAG CITY – Balligi a natiliw ti maysa a lalaki babaen iti naiyuswat a drug buy bust operation iti maysa nga hotel idiay Barangay 3, San Ildefonso iti ili ti San Nicolas.
Nabigbig daytoy a ni Alexander Cariaso Jr. y Aguinaldo, agtawen ti 30, awanan ti asawa, empleado ti Venvi Group of Companies, tubo idiay Nueva Ejica ken agdama nga agnanaed idiay Barangay 6, San Juan Bautista, San Nicolas, Ilocos Norte.
Nakumpiskar kenni Cariaso ti maysa a sachet a maipagarop a naglaon ti shabu nga agbalor ti sangaribo a pisos a nagatang ti pulis a nagpammarang a puseur buyer.
Naala pay kenkuana ti buy bust money a sangribo a pisos, wallet, 3 a lighter, ID, 340 a pisos ken ti motorsiklo na.
Rumrumwar a ti ilako ni Cariaso a maipagarop a shabu ken aggapo idiay Metro Manila.
Iti agdama ket nagtalinaed ti lalaki iti kustudiyar ti PNP-San Nicolas.
